Talawat e Quran Ki Neat

TALAWAT E QURAAN KI NEAT

💢💢 تلاوت قرآن کے وقت کیا نیت ھو؟💢💢

                        

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بہت سارے مسلمان محض اجر کی نیت سے قرآن پڑھتے ہیں ، شاید وہ قرآن کے متعدد عظیم منافع کا علم نہیں رکھتے ہیں۔ جبكہ حقیقت یہ ہے کہ جس نیت سے قرآن پڑھا جائے گا وہ فضیلت ضرور ملے گی۔ حدیث ھے: "عمل کا دار و مدار نیتوں پر ھے اور ھر شخص کے لئے وہ چیز ھوگی جس کی اس نے نیت کی ھے" (بخاری)

💢 قرآن دستور حیات ھے اور نیت علما کی تجارت ھے۔ اس واسطے بندہ تلاوت قرآن کے وقت متعدد نیتیں دل میں رکھے۔ مثلا :

1_ تلاوت قرآن کے وقت علم و عمل کی نیت ھو۔

2- حصول ھدایت کی نیت ھو۔

3_ رب سے سرگوشی کرنے کی نیت ھو۔

4- ظاھری و باطنی امراض سے شفا ملنے کی نیت ھو۔

5- اللہ کی جانب سے اندھیروں سے نور کی طرف نکل آنے کی نیت ھو ۔

6- نیت ھو کہ قرآن دلوں کی سختی کا علاج کرتا ھے، حیات و اطمئنان بخشتا ھے اور دل کو آباد رکھتا ھے۔

7- مجلس قرآن کو اللہ کا دستر خوان ھونے کی نیت ھو۔

8-  ذاکرین میں لکھے جانے اور غافلوں میں نہ شمار ھونے کی نیت ھو ۔

9- ایمان و یقین میں اضافہ کی نیت ھو۔

10- ٹھہر ٹھہر کر پڑھنے میں اطاعت الہی کی نیت ھو۔

11- ھر حرف پر دس اجر پانے کی نیت ھو اور اللہ جس کے لئے چاھے مزید بڑھا دے۔

12- شفاعت قرآن کے حصول کی نیت ھو۔

13- نبی صلی اللہ علیہ وسلم کی وصیت پوری کرنے کی نیت ھو۔

14- اپنی اور امت کی بلندی کی نیت ھو ۔

15- جنت میں بلند درجات حاصل ھونے، وقار کا تاج پہنائے جانے اور والدین کو دو چادر سے مزین کئے جانے کی نیت ھو، جن کے برابر پوری دنیا نہیں ھو سکتی۔

16۔ کلام الہی کے ذریعہ اللہ کی قربت حاصل کرنے کی نیت ھو۔

17۔ اللہ کے خاص بندوں  میں شامل ھونے کی نیت ھو۔

18- مہارت کے ساتھ پڑھ کر مکرم و نیک فرشتوں کی صحبت حاصل کرنے کی نیت ھو۔

19- جہنم اور عذاب الہی سے نجات کی نیت ھو۔

20۔ اللہ کی معیت اور ساتھ ھونے کی نیت ھو۔

21. قرآن کو اپنے لئے حجت بنانے کی نیت ھو۔

22۔ مصحف کی رؤيت کا عبادت ھونے کی نیت ھو ۔

23۔ نيت ھو کہ اللہ کی سکینت نازل ھوگی، رحمت ڈھانپ لے گی اور اللہ اپنے پاس کے لوگوں میں ذکر کرے گا۔

24۔ تلاوت قرآن کے ذریعہ اللہ کے یہاں فضل و برتری حاصل کرنے کی نیت ھو۔

25- عمدہ مہک پانے کی نیت ھو۔

26۔ دنیا میں گمراہی اور آخرت میں بدبختی سے بچنے کی نیت ھو۔

27۔ غم و پریشانی اور حزن و تکالیف سے بچنے کی نیت ھو ۔

28۔ یہ نیت ھو کہ قرآن میری قبر میں ساتھ ھوگا،  صراط پر میرے لئے نور ھوگا، دنیا میں رھنما اور آخرت میں جنت کی طرف ھانک کر لے جائے گا ۔

29- رسول صلی اللہ علیہ وسلم کے اخلاق حسنہ پر تربیت پانے کی نیت ھو۔

30۔ نفس کو باطل سے بچا کر حق میں مشغول رکھنے کی نیت ھو ۔

31۔ شیطان و نفسانی خواھشات کا مقابلہ کرنے کی نیت ھو۔

32۔ قرآن کا اپنے اور کافروں کے درمیان حجاب و پردہ بنانے کی نیت ھو۔

💢 یہی وہ اللہ کے ساتھ تجارت ھے ،جس میں منافع کی ضمانت دی گئی ھے، اور یہ منافع اللہ عزوجل اپنے فضل و کرم سے عطا کرے گا اور اس کے عطیات میں کوئی کمی نہ ھوگی۔